تعليق الفنان كريم مأمون علي مقتل شيماء

بواسطه..محمد محمود .......... مين اللي قتل شيماء ؟ ناس تقول الشرطة وناس تقول الاخوان وناس تقول الثوار وناس تقول جيهان فاضل وناس تقول البلطجية وطبعا بعد كدة يعملو لجنة تقصي الحقائق بعد مجلس الشعب وفي الاخر شيماء اصبحت مواطنة في وطن لا يعترف بحقوق شعبة . بسمع ناس تقولك في داهية احسن ان هيا ماتت مين اللي قالها تنزل الميدان وناس تانية لما تلاقي واحد اخواني مات يقولك في داهية عشان اخواني وايام الاخوان لما في ثوار ماتو يجي الاخواني يقولك مات في داهية دة بيهدد الامن القومي ولما ضابط الشرطة يموت تيجي ناس تانية تقولك في داهية عشان بيعاملو الشعب بقسوة . اعتزر لك ايها الوطن اصبحنا جميعا نقتل بعض ونحلل القتل ونسينا ان الله سبحانة وتعالي قد امنعنا من القتل .. اصبحنا في وطن يجيد التفرقة وذاد فية الغل والكراهية بين بعضة ... اصبحنا في وطن لا يعرف غير الوصول بأي شكل وعلي حساب اي شئ واخر كلامي بعد كل دة تتفرج علي التلفزيون ونسمع اغنية بحبك يابلادي احنا جميعا فاسدون في هذا الوطن. نصيحة للشرطة اكيد كل مرة بتقولو ان في ناس مدسوسة وانت بتفضو المظاهرات بيقتلو عشان الجريمة تيجي عليكو وطبعا اكيد في واحد عندكو لو فكر ثانية هايقولكو ان في اختراع اسمة الكاميرا لما تيجو تعرفو انكو نازلين تفضوا مظاهرة صورو الفض فيديو عشان تعرفو تمسكو اللي بيقتل عشان كدة احنا بقينا ملطشة عاملين نموت ونقول ناس مدسوسة دة حتي الناس المدسوسة بتموت وميش عارفين مين اللي قاتلهم اول مرة احس ان الدم في مصر اصبح اسلوب حياه في البرامج التوك شو كل واحد ييحلل الدم ذي ما هو عايز رغم ان فية جهاز لتحليل الدم وبيقولك المرض ايه ... حسبنا الله ونعم الوكيل في كل من قتل هذا الشعب من المبادئ والعادات والتقاليد .